தமிழில் அம்பிகாபதியாக வெளியாகும் ராஞ்ஜ்னா

தனுஷ் நடிக்கும் ராஞ்ஜ்னா இந்திப் படம் தமிழில் அம்பிகாபதி என்ற பெயரில் டப் செய்யப்படுகிறது. இந்தியில் தனுஷ் நடிக்கும் முதல் படம் ராஞ்ஜ்னா. இந்தப் படம் வரும் ஜூலை மாதம் உலகம் முழுவதும் திரைக்கு வருகிறது. இதில் தனுஷுக்கு ஜோடியாக சோனம் கபூர் நடித்துள்ளார். ஆன்ந்த் எல் ராய் இயக்கியுள்ளார். ஏ.ஆர்.ரஹ்மான் இசையமைத்துள்ளார். டீன் ஏஜ் காமெடியையும் காதலையும் மையமாகக் கொண்டு இந்தப் படத்தை உருவாக்கியுள்ளனர். 

தனுஷ் நடிப்பை ஷூட்டிங்கின்போதும், டப்பிங்கின் போதும் படக்குழு வெகுவாகப் பாராட்டியிருந்தது. அண்மையில் வெளியான இந்தப் படத்தின் டிரைலர் ரசிகர்கள் இடையே நல்ல வரவேற்பை பெற்றுள்ளது. எனவே, ராஞ்ஜ்னா படத்தை தமிழிலும் வெளியிட முடிவு செய்திருக்கின்றனர். தமிழில் அம்பிகாபதி என்ற பெயரில் டப் செய்கின்றனர். இந்தியில் வெளியாகும் ஜூன் 21 ஆம் தேதியே தமிழிலும் அம்பிகாபதியை வெளியிட திட்டமிட்டுள்ளனர்.